Өзбекәлі Жәнібеков атындағы Оңтүстік Қазақстан педагогикалық университетінің әскери кафедрасына Қазақстан Республикасы Қорғаныс министрлігі, Тәрбие және идеологиялық жұмыс департаментінің бастығы, полковник Тілеухан Басқожаев іссапармен келді.
Университет Басқарма төрағасы – ректордың уақытша міндетін атқарушы Гүлжан Сүгірбаева ресми өкілге әскери кафедраның оқу-материалдық базасын және тыныс-тіршілігін таныстырды. Тілеухан Қалиұлы жуырда ғана жаңа ғимараты пайдалануға берілген әскери кафедра жұмысына оң пікір танытып, кафедра басшылығына оқу-материалдық базаны одан әрі күшейтуді тапсырды.