«ТҮРКИЯДАҒЫ ЖАЗҒЫ МЕКТЕП-2022»
Оңтүстік Қазақстан мемлекеттік педагогикалық университеті оқу ордамыздың 85 жылдық мерейтойына орай, үлгерімі ең үздік студенттерге 2022 жылдың жаз айларында жазғы мектеп аясында Түркияда білім алу мүмкіндігін сыйлайды!
Үміткерлерге қойылатын талаптар:
1. Қазақстан Республикасының азаматы болуы;
2. 18 жастан асқан болуы;
3. 2021-2022 оқу жылында 2-3-курсты бітіріп жатқан студент болуы (бакалавриат);
4. 2021-2022 оқу жылының қысқы сессияларының қорытындысымен жалпы алғанда орташа баллдың (GPA) көрсеткіші 3,5 және одан жоғары болуы;
5. Түрік тілін білуі.
*Осы шарттардың біріне сәйкес келмеген жағдайда, үміткердің өтініші қарастырылмайды.
Өтініш беру құжаттары:
1. Түйіндеме (резюме) (еркін форматта);
2. Жеке куәлік / ҚР азаматының паспорты көшірмесі;
3. Транскрипт (мөрмен расталған).
Бағалау:
- Түркия тарапынан түрік тілі деңгейін анықтау емтиханы, сұхбат жүргізіледі.
- Жалпы алынған орташа балл (GPA) есепке алынады.
Өтініштерді қабылдау мерзімі:
9 маусым 2022 жыл, сағат 18:00-ге дейін.
Өтініштерді қабылдау орны:
ОҚМПУ, Халықаралық ынтымақтастық және академиялық ұтқырлық бөлімі, «Д» корпусы, 2-қабат, 205-кабинет.
